മഞ്ജു വാര്യരെ കേന്ദ്ര കഥാപാത്രമാക്കി അരുണ്‍ കുമാര്‍ അരവിന്ദ് സംവിധാചെയ്യുന്ന ചിത്രത്തില്‍ അരവിന്ദ് സ്വാമിയും പ്രധാന കഥാപാത്രത്തെ അവതരിപ്പിക്കുന്നു. ശങ്കര്‍ രാമകൃഷ്ണനാണ് ഈ സിനിമയുടെ തിരക്കഥ തയാറാക്കുന്നത്. ഉര്‍വശി, രേവതി, മുരളീ ഗോപി എന്നിവരും ചിത്രത്തിലുണ്ട്. പതിനാറു വര്‍ഷത്തെ ഇടവേളയ്ക് ശേഷമാണ് അരവിന്ദ് സ്വാമി മലയാളത്തില്‍ അഭിനയിക്കുന്നത്.
2013 ല്‍ മണിരത്‌നം സംവിധാനം ചെയ്ത കടല്‍ എന്ന ചിത്രത്തിലൂടെയാണ് അരവിന്ദ് സ്വാമി സിനിമയിലേക്ക് തിരിച്ചു വന്നത്. ജയം രവി ചിത്രത്തിലാണ് അരവിന്ദ് സ്വാമി ഇപ്പോള്‍ അഭിനയിക്കുന്നത്. ഡാഡി, അന്ന, ദേവരാഗം എന്നീ ചിത്രങ്ങളിലാണ് ഇതിനു മുന്‍പ് മലയാളത്തില്‍ സ്വാമി അഭിനയിച്ചത്. പ്രൊഡ്യൂസേഴ്‌സ് അസോസിയേഷുമായുള്ള പ്രശ്‌നത്തെ തുടര്‍ന്ന് ഈ സിനിമയ്ക്ക് അപ്രഖ്യാപിത വിലക്കേര്‍പ്പെടുത്തിയിരുന്നു. എന്നാല്‍ പ്രശ്‌നങ്ങള്‍ പരിഹരിച്ചെന്നും അധികം വൈകാതെ ചിത്രത്തിന്റെ ഷൂട്ടിങ് ആരംഭിക്കുമെന്നുമാണ് ലഭിക്കുന്ന വാര്‍ത്തകള്‍.
അരവിന്ദ് സ്വാമിയും മഞ്ജു വാര്യരും ഒരുമിക്കുന്നു
