കെയ്‌റോ: ഈജിപ്തിലെ രണ്ടു നഗരങ്ങളില്‍ സൈനികര്‍ നടത്തിയ റെയ്ഡില്‍ 17 ഭീകരര്‍ കൊല്ലപ്പെട്ടു. റാഫാ, ഷെയ്ഖ് സുവൈദ് എന്നീ നഗരങ്ങളിലാണ് റെയ്ഡ് നടന്നത്. ഇരുപതിലധികം ഒളിത്താവളങ്ങളും തകര്‍ത്തു. സൈനികര്‍ നടത്തിയ വ്യോമാക്രമണത്തിലാണ് 13 പേര്‍ കൊല്ലപ്പെട്ടത്. നാലുപേര്‍ വെടിവെപ്പിലും. കഴിഞ്ഞദിവസം സുന്നി ഭീകരസംഘടനയായ ഇസ്ലാമിക് സ്റ്റേറ്റിന്റെ (ഐ.എസ്) ഈജിപ്ത് ഘടകം മണലാരണ്യത്തില്‍ താമസിക്കുന്ന എട്ട് ബദു ഗോത്രവര്‍ഗക്കാരുടെ തലയറുത്ത് കൊല്ലുന്ന വിഡിയോ ചിത്രം പുറത്തുവിട്ടിരുന്നു. ഇവര്‍ ഈജിപ്തിന്റെയും ഇസ്രായേലിന്റെയും പട്ടാളത്തിനുവേണ്ടി പ്രവര്‍ത്തിച്ചുവെന്ന കുറ്റം ആരോപിച്ചാണ് തലയറുത്തത്.
ഈജിപ്തില്‍ സൈന്യം നടത്തിയ റെയ്ഡില്‍ 17 ഭീകരരെ കൊലപ്പെടുത്തി
