ആരാധകര്‍ കാത്തിരിക്കുന്ന പ്രണയ ചിത്രമായ ദില്‍വാലെയുടെ ട്രെയിലര്‍ എത്തി. പ്രണയ ജോഡികളായ കിങ് ഖാന്‍ ഷാരൂഖിന്റെയും കാജോളിന്റെയും പ്രണയ രംഗങ്ങള്‍ തന്നെയാണ് ആരാധകര്‍ ഉറ്റു നോക്കുന്നത്. ട്രെയിലറിലെ ഇരുവരുടെയും പ്രണയരംഗങ്ങള്‍ ഇപ്പോള്‍ തന്നെ ആരാധകര്‍ ഏറ്റെടുത്തു കഴിഞ്ഞു. ട്രെയിലര്‍ 89,9976 പേരാണ് യൂട്യൂബില്‍ കണ്ടിരിക്കുന്നത്.
ചെന്നൈ എക്‌സ്‌പ്രെസിന് ശേഷം രോഹിത് ഷെട്ടിയാണ് ദില്‍വാലെ ഒരുക്കിയിരിക്കുന്നത്. ഷാരൂഖിനും കാജോളിനുമൊപ്പം വരുണ്‍ ധവാനും കൃതി സനൊനും പ്രധാന വേഷങ്ങളില്‍ ചിത്രത്തിലെത്തുന്നുണ്ട്. രോഹിത് ഷെട്ടിയും ഗൗരിഖാനും ചേര്‍ന്നാണ് ചിത്രം നിര്‍മിച്ചിരിക്കുന്നത്. ക്രിസ്തുമസ് റിലീസായി ചിത്രം തിയേറ്ററുകളില്‍ എത്തും.
