കൊല്ലം: നീണ്ടകരയില്‍നിന്നും മത്സ്യബന്ധനത്തിനു പോയ ബോട്ടിനു തീപിടിച്ചു. ആളപായമില്ല. ആലപ്പുഴ തോട്ടപ്പള്ളിക്കു പടിഞ്ഞാറ് ഉള്‍ക്കടലില്‍ വെള്ളിയാഴ്ച രാവിലെ 6.30 ഓടെ ആയിരുന്നു സംഭവം. കരുനാഗപ്പള്ളി സ്വദേശി ജനാര്‍ദനന്റെ അറേബ്യ എന്ന ബോട്ടാണ് അപകടത്തില്‍പ്പെട്ടത്. പത്ത് തൊഴിലാളികളാണ് ബോട്ടില്‍ ഉണ്ടായിരുന്നത്.
ഗ്യാസ് സിലിണ്ടര്‍ പൊട്ടിതെറിച്ചതാകാം അപകട കാരണമെന്നാണ് നിഗമനം. അപകട സമയം സമീപത്തുണ്ടായിരുന്ന മറ്റ് ബോട്ടുകളിലേക്ക് തൊഴിലാളികള്‍ കയറിയതിനാല്‍ വന്‍ ദുരന്തം ഒഴിവായി.
