തൃശൂര്‍: ചന്ദ്രബോസ് വധക്കേസില്‍ നിസാമിന്റെ ഭാര്യ അമല്‍ കൂറുമാറി. കേസിലെ പതിനൊന്നാം സാക്ഷിയാണ് അമല്‍.
കേസില്‍ നല്‍കിയ രഹസ്യ മൊഴിയാണ് അമല്‍ മാറ്റിപ്പറഞ്ഞത്. പ്രോസിക്യൂഷന്‍ സാക്ഷിപ്പട്ടികയിലായിരുന്ന അമല്‍ ചന്ദ്രബോസിനെ നിസാം വലിച്ചിഴയ്ക്കുന്നതും മർദ്ദിയ്ക്കുന്നതും കണ്ടതായി നേരത്തേ മൊഴി നൽകിയിരുന്നു. എന്നാൽ ഇത് കോടതിയിൽ മാറ്റിപ്പറഞ്ഞ അമൽ, ചന്ദ്ര ബോസിന്റെ മരണകാരണം ആക്രമണമല്ലെന്നും വാഹനാപകടമാണെന്നുമാണ് ഇന്ന് മൊഴി നൽകിയിരിയ്ക്കുന്നത്.
മൊഴി മാറ്റിപ്പറഞ്ഞതോടെ അമൽ കൂറു മാറിയതായി കോടതി പ്രഖ്യാപിച്ചു.
