ശ്രീനഗര്‍: ജമ്മുവിലെ ബാരാമുള്ള ജില്ലയില്‍ വീണ്ടും ഭീകരരുടെ നുഴഞ്ഞുകയറ്റം. ബാരാമുള്ളയിലെ ടൂട്ട് മാര്‍ ഗലി ഏരിയയിലാണ് നുഴഞ്ഞുകയറ്റ ശ്രമം നടന്നത്. സൈന്യം നുഴഞ്ഞുകയറ്റ ശ്രമം പ്രതിരോധിക്കുകയും തുടര്‍ന്ന് നടന്ന വെടിവെപ്പില്‍ രണ്ട് തീവ്രവാദികള്‍ കൊല്ലപ്പെടുകയും ചെയ്തു.
അഞ്ച് പേരടങ്ങുന്ന സംഘമാണ് ആയുധങ്ങളുമായി അതിര്‍ത്തി ലംഘിച്ച് കടക്കാന്‍ ശ്രമിച്ചത്. കഴിഞ്ഞ ആഴ്ച നിയന്ത്രണരേഖക്കടുത്ത് താങ്ധര്‍ സെക്ടറില്‍ നുഴഞ്ഞുകയറാന്‍ ശ്രമിച്ച നാലു ഭീകരരെ സൈന്യം വധിച്ചിരുന്നു.
