ജയിംസ് ബോണ്ട് ചിത്രമായ സ്‌പെക്ട്രെയുടെ പുതിയ ട്രെയിലര്‍ പുറത്തിറങ്ങി. ജെയിംസ് ബോണ്ട് സീരീസിലെ ഇരുപത്തിനാലാമത് ചിത്രമാണ് സ്‌പെക്ട്ര.
ഡാനിയേല്‍ ക്രെയ്ഗ് നാലാം തവണയും ബോണ്ട് കുപ്പായം അണിയുന്ന ചിത്രത്തില്‍ വില്ലനായി എത്തുന്നത് ക്രിസ്റ്റഫര്‍ വാര്‍ട്‌സ് ആണ്. മോണിക്ക ബലൂസിയും ലീ സിയാഡസ്‌കുമാണ് ബോണ്ട് ഗേള്‍സ്.
സ്‌കൈഫാള്‍ ഒരുക്കിയ ഓസ്‌കര്‍ ജേതാവായ സാം മെന്‍ഡസ് തന്നെയാണ് 24ാം ബോണ്ട് ചിത്രവും സംവിധാനം ചെയ്യുന്നത്. ഈ സീരീസില്‍ സാം മെന്‍ഡിസ് സംവിധാനം ചെയ്യുന്ന അവസാനചിത്രമായിരിക്കും സ്‌പെക്ട്ര.
ആന്‍ഡ്രൂ സ്‌കോട്ട്, ബാറ്റിസ്റ്റ്, റാള്‍ഫ് ഫിന്‍സ്, നയോമി ഹാരിസ്, ബെന്‍ വിഷോ എന്നിവരാണ് പ്രധാനതാരങ്ങള്‍. ബാര്‍ബറ ബ്രൊക്കോളി, മൈക്കല്‍ ജി വില്‍സണ്‍ എന്നിവര്‍ ചേര്‍ന്നാണ് നിര്‍മാണം. ചിത്രം നവംബര്‍ 6, 2015ന് തിയറ്ററുകളിലെത്തും.
