വിശ്വ സുന്ദരി ഐശ്വര്യ റായ്യുടെ ആരാധകരുടെ കാത്തിരിപ്പ് ഇനിയും നീളും. ഇടവേളയ്ക്ക് ശേഷം ഐശ്വര്യ റായ് അഭിനയിക്കുന്ന ജസ്ബ റിലീസാകാന്‍ ഒക്‌റ്റോബര്‍ വരെ കാത്തിരിക്കണം. വരുന്ന ഒക്‌റ്റോബര്‍ ഒമ്പതിനാണ് ജസ്ബ റിലീസാകുക. സംവിധായകന്‍ സഞ്ജയ് ഗുപ്ത തന്റെ ട്വിറ്റര്‍ പേജിലൂടെയാണ് സിനിമയുടെ റിലീസിങ് തീയതി അറിയിച്ചത്. ചിത്രത്തിന്റെ ഷൂട്ടിങ് ഇപ്പോള്‍ മുംബൈയില്‍ നടന്നു കൊണ്ടിരിക്കുകയാണ്. ഷബാന ആസ്മി, അതുല്‍ കുല്‍ക്കര്‍ണി, അനുപം ഖേര്‍ എന്നിവരാണ് മറ്റു പ്രധാന താരങ്ങള്‍. അഞ്ച് വര്‍ഷത്തിന് ശേഷം ഐശ്വര്യ അഭിനയിക്കുന്ന സിനിമയാണ് ജസ്ബ. 2010ല്‍ സഞ്ജയ് ലീല ബെന്‍സാലി സംവിധാനം ചെയ്ത ഗുസാരിഷ് എന്ന സിനിമയിലാണ് ആഷ് അവസാനം അഭിനയിച്ചത്. ഹൃത്വിക് റോഷനായിരുന്നു ഈ ചിത്രത്തിലെ നായകന്‍.
ജസ്ബ ഒക്‌റ്റോബര്‍ ഒമ്പതിന്
