ക്രൈസ്റ്റ്ചര്‍ച്ച്: മുതിര്‍ന്ന താരങ്ങളുടെ മോശം പെരുമാറ്റത്തെത്തുടര്‍ന്നു പാക്കിസ്ഥാന്‍ ഫീല്‍ഡിംഗ് കോച്ചും ട്രെയിനറുമായ ഗ്രാന്‍ഡ് ലുഡന്‍ രാജിവച്ചു.
മുതിര്‍ന്ന താരങ്ങളായ ഷാഹിദ് അഫ്രീദി, ഉമര്‍ അക്മല്‍ തുടങ്ങിയവരുടെ മോശം പെരുമാറ്റമാണു ദക്ഷിണാഫ്രിക്കന്‍ വംശജനായ ലുഡന്റെ രാജിയില്‍ കലാശിച്ചത്. 2014 മേയ് 30-നാണു മുന്‍ പിസിബി ചെയര്‍മാന്‍ നജാം സേത്തി, ലുഡനെ ഫീല്‍ഡിംഗ് കോച്ചായി നിയമിച്ചത്.
വഖാര്‍ യൂനിസാണു പാക്കിസ്ഥാന്റെ ഹെഡ് കോച്ച്. ബൗളിംഗ് കോച്ചായി മുന്‍ സ്പിന്നര്‍ മുഷ്താഖ് അഹമ്മദും ബാറ്റിംഗ് കോച്ചായി മുന്‍ സിംബാബ്‌വെന്‍ താരം ഗ്രാന്‍ഡ് ഫ്‌ളവറും പ്രവര്‍ത്തിക്കുന്നുണ്ട്.
