ദൃശ്യത്തിന്റെ ഹിന്ദി പതിപ്പില്‍ പോലീസ് വേഷത്തിലെത്താന്‍ തബു. മലയാളത്തില്‍ ആശ ശരത് കൈകാര്യം ചെയ്ത വേഷത്തിലാണ് തബു എത്തുന്നത്. നവാഗതനായ നിഷികാന്ത് കാമത് സംവിധാനം ചെയ്യുന്ന ചിത്രത്തിന്റെ പേര് ഇനിയും തീരുമാനിച്ചിട്ടില്ല.
കഴിഞ്ഞ വര്‍ഷം പുറത്തിറങ്ങിയ ഹൈദറില്‍ ഷാഹിദ് കപൂറിന്റെ അമ്മവേഷം ഏറെ പ്രശംസ പിടിച്ച് പറ്റിയതിന് പിന്നാലെയാണ് ശക്തയായ പോലീസ് കഥാപാത്രമായി തബു എത്തുന്നത. ചിത്രത്തിന്റെ പേര് തീരുമാനിച്ചിട്ടില്ല. നിലവില്‍ നായകവേഷം ചെയ്യുന്ന അജയ് ദേവ്ഗണ്‍, തബുവിന്റെ പോലീസ് വേഷം എന്നിവയുടെ കാര്യത്തില്‍ മാത്രമാണ് തീരുമാനമായത്.
മലയാളം, തെലുങ്ക്, കന്നട എന്നീ ഭാഷകളിലായി പുറത്തിറങ്ങി വന്‍ വിജയം നേടിയ ദൃശ്യത്തിന്റെ തമിഴ് പതിപ്പും അണിയറയില്‍ ഒരുങ്ങുന്നതിനിടെയാണ് ഹിന്ദിയില്‍ നിന്ന് ശുഭവാര്‍ത്ത എത്തിയത്.
നിലവില്‍ അജയ് അഭിനയിക്കാനിരുന്ന ശിവയുടെ ഷെഡ്യൂള്‍ മാറ്റിയതോടെ ദൃശ്യത്തിന്റെ ഹിന്ദി പതിപ്പിന്റെ ഷൂട്ടിംഗ് ഉടന്‍ ആരംഭിക്കും. ഡിസംബറോടെ ചിത്രം റിലീസ് ചെയ്യാനാണ് പദ്ധതി.
