മാല്‍ഡ(കൊല്‍ക്കത്ത): പശ്ചിമ ബംഗാളില്‍ ബിഎസ്എഫ് ജവാന്‍മാര്‍ തമ്മിലുണ്ടായ സംഘര്‍ഷത്തില്‍ ഒരാള്‍ മരിച്ചു. നാല് സൈനികര്‍ക്ക് പരിക്കേറ്റു. വെടിവയ്പിനെ തുടര്‍ന്ന് ഹെഡ് കോണ്‍സ്റ്റബിള്‍ മൂല്‍ചന്ദാണ് മരിച്ചത്.
ഇന്നു പുലര്‍ച്ചെ മാല്‍ഡയിലെ ഫറാക്കാ ബറ്റാലിയനിലായിരുന്നു സംഘര്‍ഷം ഉണ്ടായത്. ഇന്നലെ രാത്രി ബസന്ദ് സിംഗ് എന്ന സഹപ്രവര്‍ത്തകനും മബല്‍ചന്ദും തമ്മില്‍ വാക്കുതര്‍ക്കമുണ്ടായിരുന്നു. തുടര്‍ന്ന് ഇന്നു രാവിലെ കോണ്‍സ്റ്റബിള്‍ തന്റെ സഹപ്രവര്‍ത്തകര്‍ക്കുനേരെ വെടിയുതിര്‍ക്കുകയായിരുന്നു. ഈ സമയം സൈനികര്‍ ഉറങ്ങുകയായിരുന്നു. ബസന്ദ് സിംഗിനെ അറസ്റ്റ് ചെയ്തു.
