ലഹോര്‍: പാക്കിസ്ഥാനിലെ പൊലീസ് റീജണല്‍ ഹെഡ്ക്വാര്‍ട്ടേഴ്‌സിന് സമീപമുണ്ടായ ചാവേറാക്രമണത്തില്‍ എട്ടു പേര്‍ കൊല്ലപ്പെട്ടു. നിരവധി പേര്‍ക്ക് പരിക്കേറ്റു. ക്വില ഗുജ്ജര്‍ സിങ് ഏരിയയിലാണ് നിര്‍ത്തിയിട്ട കാറില്‍ സ്‌ഫോടനമുണ്ടായത്. പരിക്കേറ്റവരെ സമീപത്തെ മായോ ആന്‍ഡ് ഗംഗ രാം ആശുപത്രിയില്‍ പ്രവേശിപ്പിച്ചു.
സ്‌ഫോടനത്തിന്റെ ആഘാതത്തില്‍ സമീപത്തുണ്ടായിരുന്ന കാറുകള്‍ക്ക് തീപിടിക്കുകയും കെട്ടിടങ്ങള്‍ക്ക് കേടുപാടുകള്‍ സംഭവിക്കുകയും ചെയ്തു.
മരണസംഖ്യ ഉയരാന്‍ സാധ്യതയുണ്ടെന്ന് പൊലീസ് വൃത്തങ്ങള്‍ അറിയിച്ചു. സംഭവ സ്ഥലത്ത് കനത്ത സുരക്ഷയരുക്കിയിട്ടുണ്ട്. ആരാണ് ആക്രമണത്തിന് പിന്നിലെന്ന് വ്യക്തമായിട്ടില്ല.
