ചെന്നൈ:പുരസ്‌കാരങ്ങള്‍ തിരിച്ചു നല്‍കിയുളള പ്രതിഷേധത്തില്‍ തനിക്ക് താത്പര്യമില്ലെന്ന് നടന്‍ കമല്‍ഹാസന്‍. ഓരോ മേഖലയിലും മികവിനാണ് പുരസ്‌കാരങ്ങള്‍ നല്‍കുന്നത്. ആ മേഖലയിലുടെ തന്നെയാണ് പ്രതിഷേധം അറിയിക്കേണ്ടതെന്നും കമല്‍ഹാസന്‍ പറഞ്ഞു.
രാജ്യത്ത് അസഹിഷ്ണുത വര്‍ധിക്കുകയാണെന്നും അവാര്‍ഡ് തിരിച്ചു നല്‍കിയവരോട് ബഹുമാനമുണ്ടെന്നും അന്‍പതാം പിറന്നാളില്‍ ബോളിവുഡ് സൂപ്പര്‍താരം ഷാരൂഖ് ഖാന്‍ അഭിപ്രായപ്പെട്ടിരുന്നു. എന്നാല്‍ താന്‍ അവാര്‍ഡുകള്‍ തിരിച്ചു നല്‍കാന്‍ ഉദ്ദ്യേശിക്കുന്നില്ലെന്നും ഷാരുഖ് ഖാന്‍ പറഞ്ഞു.
തനിക്ക് ലഭിച്ച ദേശീയ പുരസ്‌കാരം തിരിച്ചു നല്‍കില്ലെന്ന് നടി വിദ്യാ ബാലനും വ്യക്തമാക്കിയിരുന്നു. തനിക്ക് രാജ്യം നല്‍കിയ ആദരമാണ് പുരസ്‌കാരം, അല്ലാതെ ഗവണ്‍മെന്റല്ല പുരസ്‌കാരം നല്‍കിയതെന്നും വിദ്യാ ബാലനും പറഞ്ഞു.
പൂനെ ഫിലിം ഇന്‍സ്റ്റിറ്റ്യൂട്ടിലെ വിദ്യാര്‍ത്ഥി സമരത്തിന് ഐക്യദാര്‍ഢ്യം പ്രകടിപ്പിച്ചും രാജ്യത്ത് വര്‍ദ്ധിച്ചു വരുന്ന വര്‍ഗീയ അതിക്രമങ്ങളിലും അസഹിഷ്ണുതയിലും പ്രതിഷേധിച്ചുമാണ് സാംസ്‌കാരിക രംഗത്തെ പ്രമുഖര്‍ പുരസ്‌കാരങ്ങള്‍ തിരികെ നല്‍കിയത്.
