നീണ്ട ഇടവേളയ്ക്ക് ശേഷം പ്രതാപ് പോത്തന്‍ വീണ്ടും സംവിധായകനാകുന്നു. ഹിന്ദിയില്‍ എടുക്കുന്ന ചിത്രത്തില്‍ അമിതാഭ് ബച്ചന്‍ കേന്ദ്ര കഥാപാത്രത്തെ അവതരിപ്പിക്കുന്നു.
ഫാസില്‍ മുഹമ്മദ് സംവിധാനം ചെയ്ത് പ്രതാപ് പോത്തന്‍ കേന്ദ്രകഥാപാത്രത്തെ അവതരിപ്പിച്ച മലയാള ചിത്രം വണ്‍സ് അപ്പോണ്‍ എ ടൈം ദെയര്‍ വാസ് എ കള്ളന്‍ എന്ന സിനിമയാണ് പ്രതാപ് പോത്തന്‍ ഹിന്ദിയില്‍ സംവിധാനം ചെയ്യാനൊരുങ്ങുന്നത്. ചിത്രം ഇതുവരെ റിലീസ് ചെയ്തിട്ടില്ല.
മോഹന്‍ ലാല്‍ നായകനായ ഒരു യാത്രാമൊഴിയാണ് പ്രതാപ് പോത്തന്‍ ഒടുവില്‍ സംവിധാനം ചെയ്ത ചിത്രം. ഈ ചിത്രത്തില്‍ ശിവാജിഗണേശന്‍ ഒരു പ്രധാനകഥാപാത്രത്തെ അവതരിപ്പിച്ചിരുന്നു. ഡെയ്‌സി, ഋതുഭേദം എന്നിവയാണ് പ്രതാപ് പോത്തന്‍ സംവിധാനം ചെയ്ത മലയാള സിനിമകള്‍.
