പാരീസ്: ലോക ഒന്നാം നമ്പര്‍ താരം അമേരിക്കയുടെ സെറീന വില്യംസ് ഫ്രഞ്ച് ഓപ്പണ്‍ വനിതാ സിംഗിള്‍സില്‍ സെമിയില്‍ കടന്നു. ക്വാര്‍ട്ടറില്‍ ഇറ്റാലിയന്‍ താരം സാറാ ഇറാനിയെ അനായാസം മറികടന്നാണു സെറീന സെമിപ്രവേശം നടത്തിയത്.
ഫ്രഞ്ച് ഓപ്പണിലെ ഒന്നാം സീഡായ സെറീന 65 മിനിറ്റുകള്‍ മാത്രമാണു മത്സരം പൂര്‍ത്തിയാക്കാനെടുത്തത്. സ്‌കോര്‍: 6-1, 6-3.
20-ാം ഗ്രാന്‍സ്ലാം കിരീടമെന്ന സ്വപ്ന നേട്ടത്തിലേക്കാണു പാരീസിലെ കളിമണ്‍ കോര്‍ട്ടില്‍ സെറീന റാക്കറ്റ് വീശുന്നത്.
അതേസമയം ഫ്രഞ്ച് ഓപ്പണ്‍ വനിതാ ഡബിള്‍സില്‍ സാനിയ മിര്‍സ-മാര്‍ട്ടിന ഹിംഗിസ് സഖ്യം തോറ്റ് പുറത്തായി. ക്വാര്‍ട്ടറില്‍ ബത്തനി മറ്റേക്ക്- ലൂസി സഫറോവ സഖ്യമാണ് ഇന്ത്യന്‍-സ്വിസ് സഖ്യത്തെ പരാജയപ്പെടുത്തിയത്.
നേരിട്ടുള്ള സെറ്റുകള്‍ക്കാണ് ഏഴാം സീഡായ യുഎസ്-ചെക്ക് സഖ്യം സാനിയയെയും കൂട്ടുകാരിയെയും പരാജയപ്പെടുത്തിയത്. സ്‌കോര്‍: 5-7, 2-6.
