ദമാസ്‌കസ്: ബന്ദിയാക്കിയ ജോര്‍ദ്ദാന്‍ പൈലറ്റിനെയും ഐഎസ് ഭീകരര്‍ വധിച്ചു. ജോര്‍ദാനില്‍ നിന്നുള്ള പൈലറ്റ് കസാസ്ബയെയായിരുന്നു ഐഎസ് ബന്ദിയാക്കിയിരുന്നത്. ഇയാളെ ജീവനോടെ കത്തിച്ചെന്ന് ഐഎസ് ഇന്റര്‍നെറ്റിലൂടെ അവകാശപ്പെട്ടു. കൊലപാതകം നടത്തുന്ന ദൃശ്യങ്ങളും ഐഎസ് പുറത്തു വിട്ടു. കസാസ്ബയുടെ മോചനത്തിനായുള്ള ശ്രമങ്ങള്‍ ജോര്‍ദാന്‍ നടത്തിവരുന്നതിനിടെയാണ് ഭീകരരുടെ ക്രൂരത. കസാസ്ബയുടെ മോചനത്തിനായി ഒരു ഭീകരനെ മോചിപ്പിക്കാമെന്ന വാഗ്ദാനവും ഐഎസിന് ജോര്‍ദാന്‍ നല്‍കിയിരുന്നു.
ബന്ദിയാക്കിയ ജോര്‍ദ്ദാന്‍ പൈലറ്റിനെയും ഐഎസ് വധിച്ചു
