കൊച്ചി: പ്രശസ്ത കവിയും ഗാനരചിയിതാവുമായ യൂസഫലി കേച്ചേരി അന്തരിച്ചു. കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ന്യുമോണിയ ബാധയെ തുടര്‍ന്ന് ദിവസങ്ങളായി ചികിത്സയിലായിരുന്നു.
കേരള സാഹിത്യ അക്കാദമി മുന്‍അധ്യക്ഷനായിരുന്നു. നൂറിലേറെ സിനിമകള്‍ക്ക് പാട്ടെഴുതി. മഴയിലെ പാട്ടിനു ദേശീയപുരസ്‌കാരം ലഭിച്ചു. വനദേവത, നീലത്താമര എന്നീ സിനിമകളുടെ സംവിധായകനാണ്. ‘ആയിരം നാവുള്ള മൗനം, അഞ്ചു കന്യകകള്‍, കേച്ചേരിപ്പുഴ, ആലില, സൈനബ, ഓര്‍മ്മയ്ക്കു താലോലിക്കാന്‍’ തുടങ്ങി കവിതാസമാഹാരങ്ങള്‍ പുറത്തിറങ്ങിയിട്ടുണ്ട്.
