കണ്ണന്‍ താമരക്കുളം സംവിധാനം ചെയ്യുന്ന തിങ്കള്‍ മുതല്‍ വെള്ളി വരെ എന്ന ചിത്രത്തില്‍ രചന നാരായണന്‍ കുട്ടി അതിഥിതാരമായി എത്തുന്നു.
ഗായിക റിമി ടോമി നായികയാകുന്ന ചിത്രത്തില്‍ ജയറാമാണ് നായകന്‍. അനൂപ് മേനോനും വളരെ വ്യത്യസ്തമായൊരു കഥാപാത്രത്തെ അവതരിപ്പിക്കുന്നുണ്ട്. ടെലിവിഷന്‍ സീരിയലിന് അടിമയായ വീട്ടമ്മയുടെ കഥയാണ് ചിത്രത്തിന്റെ ഇതിവൃത്തം.
നവാഗതനായ വിഷ്ണു വിജയന്‍ കാരാട്ട് സംവിധാനം ചെയ്യുന്ന അടൂരും തോപ്പിലുമല്ലാത്തൊരു ഭാസി എന്ന ചിത്രത്തിലാണ് രചന ഇപ്പോള്‍ അഭിനയിക്കുന്നത്. ഇന്ദ്രജിത്താണ് ചിത്രത്തിലെ നായകന്‍. ഇന്ദ്രജിത്തിന്റെ ഭാര്യയായ ലേഖ എന്ന കഥാപാത്രത്തെയാണ് രചന അവതരിപ്പിക്കുന്നത്.
യൂ ടൂ ബ്രൂട്ടസ് എന്ന ചിത്രത്തില്‍ ഐ.ടി പ്രഫഷണലിന്റെ വേഷമാണ് രചനയ്ക്ക്. ചിത്രത്തില്‍ ആസിഫ് അലിയാണ് നായകന്‍. ബന്ധങ്ങളെപ്പറ്റിയാണ് ചിത്രം ചര്‍ച്ച ചെയ്യുന്നതെന്നും എല്ലാ കഥാപാത്രങ്ങള്‍ക്കും ചിത്രത്തില്‍ തുല്യ പ്രാധാന്യമുണ്ടെന്നും രചന പറഞ്ഞു.
