മമ്മൂട്ടി നായകനായ വര്‍ഷത്തിന് ശേഷം രഞ്ജിത്ത് ശങ്കര്‍ പുതിയ ചിത്രത്തിന്റെ ജോലികള്‍ ആരംഭിച്ചു. മേയ്ഡ് ഫോര്‍ ഈച്ച് അദര്‍ എന്നാണ് പുതിയ ചിത്രത്തിന്റെ പേര്. എന്നാല്‍ അഭിനേതാക്കളുടെ കാര്യം സംവിധായകന്‍ വ്യക്തമാക്കിയിട്ടില്ല.
തന്റെ ഫെയ്‌സ്ബുക്ക് പേജിലൂടെയാണ് പോസ്റ്ററോടുകൂടി അടുത്ത സിനിമയുടെ കാര്യം രഞ്ജിത്ത് ശങ്കര്‍ പുറത്തുവിട്ടത്. പ്രണയത്തിന് പ്രധാന്യം നല്‍കി ഒരുക്കുന്ന ചിത്രമാണിതെന്നും സൂചനയുണ്ട്. ചിത്രത്തിലെ അഭിനേതാക്കളെയോ, അണിയറപ്രവര്‍ത്തകരെയോ കുറിച്ചൊന്നുമുള്ള വിവരങ്ങള്‍ ലഭ്യമായിട്ടില്ല.
മമ്മൂട്ടിയും ആശ ശരത്തും കേന്ദ്ര കഥാപാത്രങ്ങളായെത്തിയ വര്‍ഷം എന്ന ചിത്രം കഴിഞ്ഞ വര്‍ഷത്തെ ഹിറ്റ് ചിത്രങ്ങളുടെ പട്ടികയിലാണ്. പാസഞ്ചര്‍, അര്‍ജ്ജുനന്‍ സാക്ഷി, മോളി ആന്റി ദ റോക്‌സ്, പുണ്യാളന്‍ അഗര്‍ബത്തീസ് എന്നിവയാണ് രഞ്ജിത്ത് സംവിധാനം ചെയ്ത മറ്റ് ചിത്രങ്ങള്‍.
