വിക്രവും നയന്‍ താരയും ഒന്നിക്കുന്നു. തമിഴകത്തിന്റെ ചിയാന്‍ വിക്രത്തിനോടൊപ്പം ആദ്യമായാണ് നയന്‍ താര അഭിനയിക്കുന്നത്. തമിഴകത്ത എല്ലാ സൂപ്പര്‍സ്റ്റാറുകള്‍ക്കൊപ്പവും നയന്‍താര അഭിനയിച്ചിട്ടുണ്ട്. രജനികാന്ത് മുതല്‍ ഉദയനിധി സ്റ്റാലിന്‍ വരെ നയന്‍താരയുടെ നായകരുടെ പട്ടികയിലുണ്ട്. എന്നാല്‍ വിക്രത്തിനോടൊപ്പം സിനിമ ചെയ്യാന്‍ സാധിച്ചിരുന്നില്ല. മുരുഗദോസിന്റെ അസിസ്റ്റന്റ് ഡയറക്റ്ററായ ആനന്ദ ശങ്കര്‍ സംവിധാനം ചെയ്യുന്ന സിനിമയിലാണ് ഇരുവരും ഒരുമിക്കുന്നത്.
അരിമ നമ്പി എന്ന ഒറ്റ ചിത്രത്തിലൂടെ തന്നെ തമിഴകത്തെ സ്വന്തം സ്ഥാനം ഉറപ്പിച്ച സംവിധായകനാണ് ആനന്ദ ശങ്കര്‍. ഭൂപതി സംവിധാനം ചെയ്യുന്ന ചിത്രത്തില്‍ നയന്‍താരയും വിക്രമും ഒന്നിക്കുന്നുവെന്നു വാര്‍ത്തകളുണ്ടായിരുന്നു. രാജ വര്‍ഷമെന്നു പേരിട്ടിരുന്ന ചിത്രം പക്ഷെ നടന്നില്ല. വളരെക്കാലമായി തമിഴ് ആരാധകര്‍ കാത്തിരിക്കുന്ന ജോഡിയാണ് വിക്രംനയന്‍താര. ഐയുടെ വിജയത്തോടെ വിക്രത്തിന്റെ താരമൂല്യം വര്‍ധിച്ചിരിക്കുകയാണ്. വിജയ് മില്‍ട്ടന്റെ പത്ത് എന്‍ട്രതുക്കുള്ളെ എന്ന ചിത്രത്തിലാണ് ഇപ്പോള്‍ വിക്രം അഭിനയിക്കുന്നത്. സാമന്തയാണ് ചിത്രത്തിലെ നായിക. ഇതിനു ശേഷം ഗൗതം മേനോന്‍ സംവിധാനം ചെയ്യുന്ന ചിത്രത്തില്‍ വിക്രം അഭിനയിക്കും. ഇതിനു ശേഷമാവും ആനന്ദ് ശങ്കറിന്റെ ചിത്രം ആരംഭിക്കുക. ഇതിനിടെ നയന്‍താരയ്ക്ക് ചെന്നെയില്‍ വീടില്ലെന്ന വാര്‍ത്തയും പുറത്തു വന്നു. ചെന്നൈയിലെത്തിയാല്‍ ഹോട്ടലിലാണ് നയന്‍ താരയുടെ താമസം. ഹൈദരാബാദില്‍ സ്വന്തമായി രണ്ടു ഫ്‌ളാറ്റ് ഉണ്ട്. എന്നാല്‍ തമിഴകത്തെ തിരക്ക് മൂലം ഇവിടെ താമസിക്കാനാവുന്നില്ല.
