ബോളിവുഡില്‍ വ്യത്യസ്തമായ പ്രമേയവുമായി ‘ദും ലഗാ കി ഹൈസാ’ എന്ന ചിത്രത്തിലൂടെ ശരത് കഠാരിയ എത്തുകയാണ്. തടിയുള്ള ഒരു ഭാര്യ എങ്ങനെ സുന്ദരനായ ഒരു യുവാവിന്റെ ജീവിത പങ്കാളിയാകും , എന്നാല്‍ വണ്ണവും സ്‌നേഹവും തമ്മില്‍ വലിയ ബന്ധം ഇല്ലെന്ന സന്ദേശമാണ്. ദും ലഗാ കി ഹൈസ എന്ന ചിത്രം പറയുന്നത്.
മാതാപിതാക്കളുടെ നിര്‍ബന്ധത്തിന് വഴങ്ങി താത്പര്യമില്ലാത്ത വിവാഹത്തിന് സമ്മതിക്കേണ്ടി വരുന്ന യുവാവും അവരുടെ മുന്നോട്ടുള്ള ജീവിതവും ഗ്രാമീണ പശ്ചാത്തലത്തില്‍ ഒരുക്കിയിരിക്കുന്നു.
ആയുഷ്മാന്‍ ഖുറാനയെ നായകനായ ചിത്രത്തില്‍ പതിവ് ബോളിവുഡ് നായിക സങ്കല്‍പ്പങ്ങളെ മാറ്റിയെഴുതി നായികയാകുന്നത് പുതുമുഖമായ ഭൂമി പഡ്‌നേക്കറാണ്.
യാഷ് രാജ് ഫിലിംസാണ് ചിത്രം നിര്‍മിക്കുന്നത്. സഞ്ജയ് മിശ്ര, വിദൂഷി മെഹ്‌റ എന്നിവര്‍ പ്രധാന വേഷത്തില്‍ സിനിമയിലെത്തുന്നുണ്ട്. അനു മാലിക്കാണ് ചിത്രത്തിന് സംഗീതം നല്‍കിയിരിക്കുന്നത്. ഗായകന്‍ കുമാര്‍ സാനു അതിഥി വേഷത്തില്‍ സിനിമയില്‍ എത്തുന്നുണ്ട്. ഫെബ്രുവരി 27ന് ദും ലഗാ കെ ഹൈസാ തിയേറ്ററുകളിലെത്തും.
