കൊളംബോ: ടീം ഇന്ത്യയെ പരിഹസിച്ച് ശ്രീലങ്കന്‍ നായകന്‍ ആഞ്ചലോ മാത്യൂസ്. സ്പിന്നര്‍മാരെ കളിക്കുമ്പോള്‍ നിലവിലെ ഇന്ത്യന്‍ ടീമിലെ ആരെയും ക്രിക്കറ്റ് ഇതിഹാസങ്ങളായ സച്ചിന്‍ ടെന്‍ഡുല്‍ക്കറുമായോ രാഹുല്‍ ദ്രാവിഡുമായോ താരതമ്യം ചെയ്യാനാവില്ലെന്ന് മാത്യൂസ് പറഞ്ഞു. ഗാലെ ടെസ്റ്റില്‍ ശ്രീലങ്കന്‍ സ്പിന്നര്‍മാര്‍ക്കു മുന്നില്‍ ഇന്ത്യ മുട്ടു മടക്കിയിരുന്നു. ഇതിനു പിന്നാലെയാണ് പരിഹാസം. 176 റണ്‍സ് വിജയ ലക്ഷ്യവുമായിറങ്ങിയ ഇന്ത്യ 76 റണ്‍സിനാണ് ശ്രീലങ്കയോട് പരാജയപ്പെട്ടത്.
സച്ചിനോടും ദ്രാവിഡിനോടും ഇന്ത്യന്‍ ടീമിലെ ആരെയും താരതമ്യം ചെയ്യരുതെന്നും അവര്‍ ഇനിയും പഠിക്കാനുണ്ടെന്നുമാണ് മാത്യൂസ് പറഞ്ഞത്. സച്ചിനോടും ദ്രാവിഡിനോടും താരതമ്യം ചെയ്യാന്‍ കഴിയുന്ന ആരും ഇന്ത്യന്‍ ടീമില്‍ ഇപ്പോള്‍ ഇല്ലെന്നും മാത്യൂസ് വ്യക്തമാക്കി.
ഓഗസ്റ്റ് 20ന് കൊളംബോയിലാണ് ഇന്ത്യ ശ്രീലങ്ക രണ്ടാം ടെസ്റ്റ്.
