ആസിഫ് അലിയും ഭാവനയും ജോഡികളായി 2013ല്‍ പുറത്തിറങ്ങിയ ഹണിബീക്ക് രണ്ടാം ഭാഗം വരുന്നു. ഹണിബീ സെലിബ്രേഷന്‍സ് എന്നാണ് താത്കാലികമായി ചിത്രത്തിനു നല്‍കിയിരിക്കുന്ന പേര്.
ജൂനിയര്‍ ലാല്‍ ആദ്യമായി സംവിധാനം ചെയ്ത ചിത്രം ആ വര്‍ഷത്തെ സൂപ്പര്‍ ഹിറ്റ് ചാര്‍ട്ടില്‍ ഇടംനേടിയിരുന്നു. സംവിധായകനും നടനും നിര്‍മാതാവുമൊക്കെയായ ലാലിന്റെ മകനാണ് ജൂനിയര്‍ ലാല്‍ എന്ന ജീന്‍ പോള്‍ ലാല്‍.
ആസിഫും ഭാവനയും അവതരിപ്പിച്ച കഥാപാത്രങ്ങളുടെ വിവാഹവും അതിനോടനുബന്ധിച്ച് നടത്തുന്ന ആഘോഷങ്ങളെയും ചുറ്റിപ്പറ്റിയാണ് ഈ ചിത്രത്തിന്റെ കഥ പുരോഗമിക്കുക. ബാലു വര്‍ഗീസ്, ബാബുരാജ്, ലാല്‍, ശ്രീനാഥ് ഭാസി, അര്‍ച്ചന കവി തുടങ്ങിയവരും ആദ്യ ഭാഗത്തില്‍ പ്രധാനവേഷത്തില്‍ എത്തിയിരുന്നു.
