മോസ്‌കോ: വ്യോമാഭ്യാസ പ്രകടനത്തിനിടെ റഷ്യന്‍ വ്യോമസേനയുടെ എംഐ 28 ഹെലിക്കോപ്റ്റര്‍ തകര്‍ന്ന് പൈലറ്റ് മരിച്ചു. റഷ്യന്‍ പ്രതിരോധ മന്ത്രാലയത്തിന്റെ ഭാഗമായി ഡബ്രോവിച്ചിയില്‍ നടത്തിയ പരിപാടിക്കിടെയാണ് സംഭവം. പ്രകടനം കാണുന്നതിനെത്തിയ ആയിരക്കണക്കിന് കാണികളുടെ മുന്നിലായിരുന്നു അപകടം.
രണ്ടു പൈലറ്റുമാരായിരുന്നു ഹെലിക്കോപ്റ്ററിലുണ്ടായിരുന്നത്. പരുക്കേറ്റ് മറ്റേയാളുടെ നില തൃപ്തികരമാണെന്ന് മന്ത്രാലയം വാര്‍ത്താക്കുറിപ്പില്‍ അറിയിച്ചു. യന്ത്രതകരാറു മൂലമാകാം ഹെലിക്കോപ്റ്റര്‍ തകര്‍ന്നതെന്നാണ് സംശയം. അപകടമുണ്ടായതിനെ തുടര്‍ന്ന് അഭ്യാസപ്രകടനം നടത്തുന്നത് നിര്‍ത്തിവച്ചു.
