ബജറ്റ് സ്മാര്‍ട്‌ഫോണുമായി അസൂസ് ഇന്ത്യന്‍ വിപണിയില്‍ എത്തി. സെന്‍ഫോണ്‍ സിയാണ് അസൂസ് വിപണയിലെത്തിച്ചിരിക്കുന്നത്. ആന്‍ഡ്രോയിഡ് 4.4 കിറ്റ്കാറ്റ് വേര്‍ഷനിലെത്തുന്ന സ്മാര്‍ട്‌ഫോണിന്റെ വില 5,999 രൂപയാണ്.
4.5 ഇഞ്ച് ഡിസ്‌പ്ലേയാണ് പുതിയ ഫോണിനുള്ളത്. 5 മെഗാപിക്‌സലാണ് ക്യാമറ. പിക്‌സല്‍ മാസ്റ്റര്‍ ടെക്‌നോളജിയോടുകൂടിയാണ് ഡിവൈസ് എത്തുന്നത് എന്ന സവിശേഷതയുമുണ്ട്. 0.3 മെഗാപിക്‌സലാണ് സെന്‍ഫോണ്‍ സിയുടെ ഫ്രണ്ട് ക്യാമറ.
ഡ്യുവല്‍ സിം സവിശേഷതയുള്ള സെന്‍ഫോണ്‍ സിയുടെ ബാറ്ററി കപ്പാസിറ്റി 2100mAhയാണ്. 1.2GHz ഇന്റല്‍ ക്ലോവര്‍ ട്രെയില്‍ പ്രോസസ്സറാണ് ഇതിനുള്ളത്. 1 ജിബിയാണ് റാം, 8 ജിബി ഇന്റേണല്‍ സ്‌റ്റോറേജ്, 64 ജിബി മൈക്രോ എസ്ഡി കാര്‍ഡ് എന്നിവയാണ് മൊബൈലില്‍ എടുത്തു പറയേണ്ട മറ്റ് സവിശേഷതകള്‍.
ചുവപ്പ്, വെള്ള, കറുപ്പ് നിറങ്ങളിലെത്തുന്ന സെന്‍ഫോണ്‍ സി ഇന്നുമുതല്‍ ഫ്‌ളിപ് കാര്‍ട്ട് വഴി ലഭിക്കും.
