കാണ്‍പൂര്‍: ആര്‍എസ്എസിന്റെ നാലുദിവസത്തെ സമ്മേളനം മാന്‍തന്‍ കാണ്‍പൂരില്‍ ആരംഭിച്ചു. ഡല്‍ഹി തെരഞ്ഞെടുപ്പിലുണ്ടായ കനത്ത പരാജയമാണ് സമ്മേളനത്തിലെ പ്രധാന ചര്‍ച്ചാ വിഷയം. ഉത്തര്‍പ്രദേശിലും ബീഹാറിലും വരാനിരിക്കുന്ന തെരഞ്ഞെടുപ്പിനെ കുറിച്ചും സമ്മേളനം ചര്‍ച്ച ചെയ്യും.
ബിജെപി, വിശ്വഹിന്ദു പരിഷത്ത് എന്നീ സംഘടനകളിലെ പ്രധാന നേതാക്കളും പ്രവര്‍ത്തകരും സമ്മേളനത്തില്‍ പങ്കെടുക്കുന്നുണ്ട്. സംഘപരിവാര്‍ സംഘടനകളായ വി.എച്ച്.പി, ദുര്‍ഗാ വാഹിനി, ബജ്‌റംഗ ദള്‍, മസ്ദൂര്‍ സംഘ് എന്നിവയുടെ നേതാക്കന്മാരുമായി മോഹന്‍ ഭാഗവത് ചര്‍ച്ചകള്‍ നടത്തുമെന്ന് വിഎച്ച്പി നേതാവ് ബിഹാരി മിശ്ര പറഞ്ഞു.
2017ല്‍ നടക്കുന്ന അസംബ്ലി തെരഞ്ഞെടുപ്പുകളില്‍ ബിജെപിയുടെ ശക്തി വര്‍ദ്ധിപ്പിക്കുന്നതിനെക്കുറിച്ചാണ് ചര്‍ച്ചകള്‍ നടന്നത്. ഇതിനായ സംഘടനയുടെ പ്രവര്‍ത്തനങ്ങളും ഫലങ്ങളും വിശകലനം ചെയ്യുമെന്നും മിശ്ര പറഞ്ഞു.
