കാര്‍ഡിഫ്: ആഷസ് പരമ്പരയിലെ ആദ്യ ടെസ്റ്റില്‍ ഇംഗ്ലണ്ടിന് ഭേദപ്പെട്ട തുടക്കം. ടോസ് നേടി ബാറ്റിംഗ് തെരഞ്ഞെടുത്ത ഇംഗ്ലണ്ട് ആദ്യ ദിനം ഏഴു വിക്കറ്റിന് 343 റണ്‍സെടുത്തു. ജോറൂട്ടിന്റെ സെഞ്ചുറിയും (134) ഗാരി ബാലന്‍സിന്റെയും (61) ബെന്‍ സ്റ്റോക്‌സിന്റെയും (52) അര്‍ധസെഞ്ചുറികളുമാണ് ഇംഗ്ലണ്ടിനെ ഭേദപ്പെട്ട സ്‌കോറിലെത്തിച്ചത്.
ഒന്നാം ദിവസം കളി അവസാനിക്കുമ്പോള്‍ മോയിന്‍ അലിയും (26) സ്റ്റുവര്‍ട്ട് ബ്രോഡുമാണ് (0) ക്രീസില്‍. ഓസീസിനുവേണ്ടി മിച്ചല്‍ സ്റ്റാര്‍ക്കും ജോഷ്വ ഹെയ്ല്‍സ്‌വുഡും മൂന്നു വിക്കറ്റു വീതം വീഴ്ത്തിയപ്പോള്‍ നഥാന്‍ ലിയോണ്‍ ഒരു വിക്കറ്റ് പിഴുതു.
കാര്‍ഡിഫ്: തുടക്കത്തിലെ തകര്‍ച്ചയില്‍നിന്ന് കരകയറിയ ഇംഗ്ലണ്ട് ആഷസ് ടെസ്റ്റിന്റെ ഒന്നാംദിവസം നില ഭദ്രമാക്കി. ഒടുവില്‍ വിവരം കിട്ടുമ്പോള്‍ ഇംഗ്ലണ്ട് 52 ഓവറില്‍ 4/200 എന്ന നിലയിലാണ്.
