ദിലീപ് പ്രധാന കഥാപാത്രമാകുന്ന പുതിയ ചിത്രമാണ് അപൂര്‍വ ജി. വി. ഹാസ്യത്തിന് പ്രാധാന്യമുള്ള ചിത്രത്തില്‍ ജോര്‍ജ്ജ് വടക്കന്‍ എന്ന കഥാപാത്രത്തെയാണ് ദിലീപ് അവതരിപ്പിക്കുന്നത്. അപൂര്‍വ എന്ന ക്ലബ്ബിന്റെ എല്ലാമെല്ലാമായ ജോര്‍ജ് വടക്കന്റെ ജീവിതത്തിലെ രസകരമായ മുഹൂര്‍ത്തങ്ങളാണ് ചിത്രത്തിന്റെ ഇതിവൃത്തം. ഡോക്ടര്‍ ലൗ എന്ന ചിത്രത്തിന്റെ സംവിധായകനായ ബിജുവാണ് ചിത്രം തിരക്കഥയെഴുതി സംവിധാനം ചെയ്യുന്നത്.
അജു വര്‍ഗീസ്, നീരജ് മാധവ്, ചെമ്പന്‍ വിനോദ് ജോസ് എന്നിവരും ചിത്രത്തിലുണ്ടാകും. നായികയെ തീരുമാനിച്ചിട്ടില്ല. ചാന്ദ് വി ക്രിയേഷന്‍സിന്റെ ബാനറില്‍ അരുണ്‍ഘോഷ്, ബിജോയ് ചന്ദ്രന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
ശ്രീബാല കെ മേനോന്‍ സംവിധാനം ചെയ്യുന്ന ലൗവ് 24×7 എന്ന ചിത്രത്തിലാണ് ദിലീപ് ഇപ്പോള്‍ അഭിനയിക്കുന്നത്. നിഖിലയാണ് നായിക.
