മെല്‍ബണ്‍: ലോകകപ്പ് ക്വാര്‍ട്ടറില്‍ ഇന്ന് ഇന്ത്യ-ബംഗ്ലാദേശ് പോരാട്ടം. ലോകകപ്പിന്റെ ചരിത്രത്തിലാദ്യമായാണ് ബംഗ്ലാദേശ് ക്വാര്‍ട്ടറില്‍ കളിക്കുന്നത്. 2007 ലെ ലോകകപ്പില്‍ ബംഗ്ലാദേശിനോട് പരാജയപ്പെട്ടാണ് ടീം ഇന്ത്യ സൂപ്പര്‍ എട്ടില്‍ പ്രവേശിക്കാതെ പുറത്തായത്. അന്നു ഗ്രൂപ്പ്ഘട്ടത്തില്‍ ഇന്ത്യയെ പിഴുതെറിഞ്ഞ അയല്‍ക്കാര്‍ ഇന്ന് സെമി പ്രവേശനം വഴിമുടക്കുമോ എന്ന് കണ്ടറിയണം.
ദുര്‍ബലരല്ല ബംഗ്ലാദേശെന്നു ഇന്ത്യന്‍ ക്യാമ്പിനു നന്നായറിയാം. ഇംഗ്ലണ്ടിനെയും ന്യൂസിലന്‍ഡിനെയും അവര്‍ നേരിട്ട രീതി തന്നെയാണ് ധോണിയെ ഭയപ്പെടുത്തുന്നത്. തങ്ങളുടേതായ ദിനത്തില്‍ എത്ര വലിയ എതിരാളികളെയും കെട്ടുകെട്ടിക്കാന്‍ ബംഗ്ലാദേശികള്‍ക്കുള്ള വൈഭവം പലവട്ടം കണ്ടിരിക്കുന്നു. മെല്‍ബണില്‍ രണ്ടാംവട്ടമാണ് ഇരു ടീമും കളിക്കാനിറങ്ങുന്നത്. രാവിലെ ഒമ്പതിനാണ് മത്സരം ആരംഭിക്കുന്നത്.
