മോഹിത് സൂരി സംവിധാനം ചെയ്യുന്ന ഹമാരി അധൂരി കഹാനി ജൂണ്‍ 12 ന് റിലീസ് ചെയ്യും. ഇമ്രാന്‍ ഹഷ്മിയും വിദ്യാ ബാലനും പ്രധാന വേഷങ്ങളിലെത്തുന്ന ചിത്രത്തിന്റെ ആദ്യ സ്റ്റില്ലുകള്‍ സിനിമയുടെ നിര്‍മാതാവ് മഹേഷ് ഭട്ട് ട്വിറ്ററിലൂടെ പുറത്തുവിട്ടു.
മഹേഷ് ഭട്ടിന്റെ മാതാപിതാക്കളുടെ പ്രണയ കഥയാണ് ഹമാരി അധൂരി കഹാനിയിലൂടെ മോഹിത് സൂരി പറയുന്നത്. മഹേഷ് ഭട്ടിന്റെ മാതാപിതാക്കളായ നാനാഭായ് ഭട്ട്, ഷിറിന്‍ മൊഹമ്മദ് അലി, വളര്‍ത്തമ്മ എന്നിവരുടെ കഥയാണ് ചിത്രം പറയുന്നത്.
രാജ്കുമാര്‍ റാവുവും ചിത്രത്തില്‍ പ്രാധാന വേഷത്തിലെത്തുന്നുണ്ട്. വിദ്യയുടെ ഭര്‍ത്താവിന്റെ വേഷത്തിലാണ് രാജ്കുമാര്‍ അഭിനയിക്കുന്നത്. കൊല്‍ക്കത്ത, ദുബായ്, കെയ്പ്ടൗണ്‍ എന്നിവിടങ്ങളിലാണ് ചിത്രത്തിന്റെ ലൊക്കേഷന്‍.
