ഐബോളിന്റെ പുതിയ ഫോണ്‍ ഐബോള്‍ ആന്‍ഡി 5എം എക്‌സോട്ടിക്ക് വിപണിയില്‍ ഇറക്കി. 8,950 രൂപയാണ് ഫോണിന്റെ വില.
ആന്‍ഡ്രോയ്ഡ് ലോലിപോപ്പില്‍ പ്രവര്‍ത്തിക്കുന്ന ഫോണ്‍ 5 ഇഞ്ച് സ്‌ക്രീനോടെയാണ് എത്തുന്നത്. ക്യൂ എച്ച്ഡി സ്‌ക്രീന്റെ റെസല്യൂഷന്‍ 540×960 ആണ്. സ്‌ക്രീന്‍ ഡെന്‍സിറ്റി 220 പിപിഐ ആണ്.
ക്വാഡ് കോര്‍ 1.3 ജിഹാ ഹെര്‍ട്‌സ് കോര്‍ടെക്‌സ് എ7 പ്രോസസ്സറാണ് ഇതിനുള്ളത്. 2 ജിബിയാണ് റാം. 8 എംപി പിന്‍ ക്യാമറയാണ് ഇതിനുള്ളത്. 3.2 മെഗാ പിക്‌സലാണ് മുന്‍ക്യാമറ. 16 ജിബിയാണ് ഇന്റേണല്‍ മെമ്മറിയെങ്കിലും ഇത് മൈക്രോ എസ്ഡി കാര്‍ഡ് ഉപയോഗിച്ച് 32 ജിബിവരെ വര്‍ദ്ധിപ്പിക്കാന്‍ സാധിക്കും.
3ജി സപ്പോര്‍ട്ടില്‍ പ്രവര്‍ത്തിക്കുന്ന ഫോണ്‍ വൈഫൈ, ബ്ലൂടൂത്ത് തുടങ്ങിയ സംവിധാനങ്ങളും നല്‍കുന്നു. 2000 എംഎഎച്ചാണ് ബാറ്ററി ശേഷി.
