കൊച്ചി: എറണാകുളം ജില്ലയിലെ ഓണ്‍ലൈന്‍ ടാക്‌സി ഡ്രൈവര്‍മാരുടെ പണിമുടക്കുമായി ബന്ധപ്പെട്ട് പ്രതിഷേധ സംഗമം നടത്തി.
കളക്ടറേറ്റിനു സമീപമുള്ള സമരപന്തലില്‍ നടന്ന പ്രതിഷേധ സംഗമം സിഐടിയു സംസ്ഥാന ജനറല്‍ സെക്രട്ടറി കെ.എന്‍. ഗോപിനാഥാണ് ഉദ്ഘാടനം ചെയ്തത്.
ജനപക്ഷ മോട്ടോര്‍ തൊഴിലാളി യൂണിയന്‍ ജില്ലാ കമ്മറ്റി അംഗമായ നവാസ് പൊന്നാനി മരണം വരെ നിരാഹാരം ആരംഭിച്ചിട്ടുണ്ട്. എന്നാല്‍, നിരാഹാര സമരം നടത്തി വന്നിരുന്ന കേരളാ ഓണ്‍ലൈന്‍ ഡ്രൈവേഴ്‌സ് യൂണിയന്‍ സംസ്ഥാന പ്രസിഡന്റ് ജാക്‌സണ്‍ വര്‍ഗീസിനെ പൊലീസ് അറസ്റ്റ് ചെയ്ത് നീക്കിയിരുന്നു. തടര്‍ന്നാണ് നവാസ് പൊന്നാനി സമരം ആരംഭിച്ചത്.
എറണാകുളം ജില്ലയിലെ ഡ്രൈവര്‍മാരുടെ അനിശ്ചിതകാല പണിമുടക്കിനും നിരാഹാര സമരത്തിനും ഐക്യദാര്‍ഡ്യം പ്രഖ്യാപിച്ച് ഇന്ന് തൃശൂര്‍ ജില്ലയിലെ ഓണ്‍ലൈന്‍ ടാക്‌സികളും പണിമുടക്ക് നടത്തുകയാണ്.
