ന്യൂഡല്‍ഹി: കുറഞ്ഞ നിരക്കിന്റെ ഓഫറുമായി ഇന്‍ഡിഗോ എയര്‍ലൈന്‍സ് രംഗത്ത്. 1,499 രൂപയാണ് ഇന്‍ഡിഗോ എയര്‍ലൈന്‍സ് വിമാനങ്ങളിലെ കുറഞ്ഞ നിരക്ക്. 90 ദിവസം മുന്‍പ് ബുക്ക് ചെയ്യുന്ന ടിക്കറ്റുകള്‍ക്കും ഈ നിരക്ക് ബാധമായിരിക്കും.
എതിരാളിയായ സ്‌പൈസ് ജെറ്റിന്റേത് 1,599 രൂപയാണ്. ഇതാണ് തങ്ങളുടെ നിരക്കു കുറയ്ക്കാന്‍ ഇന്‍ഡിഗോയെ പ്രേരിപ്പിച്ചത്. അതേസമയം, വ്യോമയാന രംഗത്തെ പുതിയ മത്സരത്തിനാണ് ഇത്തരം നടപടികള്‍ വഴിവയ്ക്കുകയെന്ന് വിദഗ്ധര്‍ ചൂണ്ടിക്കാട്ടുന്നു. സ്‌പെഷല്‍ പ്രമോഷണല്‍ ഓഫറിന്റെ ഭാഗമായാണ് സ്‌പൈസ് ജെറ്റ് നിരക്കു കുറച്ചത്. ഇത് നാളെ വരെയെയുള്ളൂ. ഈ നിരക്കിലെ ടിക്കറ്റുമായി ഈ മാസം 14 മുതല്‍ ഏപ്രില്‍ 15 വരെ യാത്ര ചെയ്യാനാണ് അവസരം.
