മുംബൈ: ഓസ്‌ട്രേലിയയ്‌ക്കെതിരായ ടെസ്റ്റ് പര്യടനത്തിനുള്ള 19 അംഗ ഇന്ത്യന്‍ ടീമിനെ പ്രഖ്യാപിച്ചു. ആദ്യ ടെസ്റ്റില്‍ ക്യാപ്റ്റന്‍ ധോണിക്ക് വിശ്രമം അനുവദിച്ചു, ധോണിയുടെ അഭാവത്തില്‍ ഉപനായകന്‍ കോഹ്‌ലിയാണ് നായകന്‍. ടെസ്റ്റ് ടീമില്‍ സുരേഷ് റെയ്‌ന തിരിച്ചെത്തി. വിക്കറ്റ് കീപ്പറായി വൃദ്ധിമാന്‍ സാഹയും നമാന്‍ ഓജയും ടീമിലെത്തി. കെഎല്‍ രാഹുല്‍ ആണ് പുതുമുഖം. കരണ്‍ ശര്‍മ്മയും ടീമില്‍ ഇടംപിടിച്ചിട്ടുണ്ട്.
ശ്രീലങ്കയ്‌ക്കെതിരായ അവസാന രണ്ടു ഏകദിനങ്ങള്‍ക്കുള്ള ഇന്ത്യന്‍ ടീമില്‍ മാറ്റംവരുത്തി. രോഹിത് ശര്‍മ്മ തിരിച്ചെത്തി. റോബിന്‍ ഉത്തപ്പ, കേദാര്‍ യാദവ്, വിനയ് കുമാര്‍, കരണ്‍ ശര്‍മ്മ എന്നിവരും ടീമില്‍ ഉള്‍പ്പെട്ടു. മുരളി വിജയ്, വൃദ്ധിമാന്‍ സാഹ, മുഹമ്മദ് ഷമി, അമിത് മിശ്ര, ഇഷാന്ത് ശര്‍മ്മ എന്നിവരെ ഒഴിവാക്കി.
