കൊച്ചി: കളമശേരിയില്‍ തമിഴ് യുവതിയെ കൂട്ടമാനഭംഗത്തിനിരയാക്കിയ കേസില്‍ കസ്റ്റഡിയിലെടുത്ത നാലു പേരുടെ അറസ്റ്റ് പോലീസ് രേഖപ്പെടുത്തി. അതുല്‍, അനീഷ്, മനോജ്, നിയാസ് എന്നിവരാണ് അറസ്റ്റിലായത്. ഇവരെ ഇന്ന് കോടതിയില്‍ ഹാജരാക്കും. യുവതിയുടെ നാലരപ്പവന്റെ ആഭരണങ്ങള്‍ പ്രതികളില്‍ നിന്ന് കണ്ടെടുത്തു. കഴിഞ്ഞ ദിവസം പോലീസ് നടത്തിയ അന്വേഷണത്തിലാണു നാലുപേരെയും കസ്റ്റഡിയിലെടുത്തിരുന്നത്.
കഴിഞ്ഞ ശനിയാഴ്ച രാവിലെ യുവതിയെ ഓട്ടോറിക്ഷയില്‍ വിളിച്ചുകൊണ്ടുപായി സൈബര്‍ സിറ്റിയുടെ ആളൊഴിഞ്ഞ ഭാഗത്ത് എത്തിച്ച് മാനഭംഗപ്പെടുത്തുകയായിരുന്നു. നാലരപ്പവന്‍ ആഭരണങ്ങളും മൊബൈല്‍ ഫോണും തട്ടിയെടുത്തു. മൊബൈല്‍ ഫോണില്‍ യുവതിയുടെ നഗ്നചിത്രങ്ങളെടുത്ത സംഘം സംഭവം പുറത്തറിഞ്ഞാല്‍ ചിത്രങ്ങള്‍ ഇന്റര്‍നെറ്റ് വഴി പ്രചരിപ്പിക്കുമെന്നും ഭീഷണിപ്പെടുത്തി.
