തിരുവനന്തപുരം: കോണ്‍ഗ്രസ് നേതാക്കള്‍ തിരുവനന്തപുരത്ത് പാസ്റ്റര്‍മാരുമായി കൂടിക്കാഴ്ച നടത്തി. തിരുവനന്തപുരം മസ്‌കറ്റ് ഹോട്ടലിലായിരുന്നു കൂടിക്കാഴ്ച. ആഭ്യന്തര മന്ത്രി രമേശ് ചെന്നിത്തല, കെപിസിസി പ്രസിഡന്റ് വി.എം സുധീരന്‍, ആരോഗ്യമന്ത്രി വി.എസ് ശിവകുമാര്‍ തുടങ്ങിയവര്‍ പങ്കെടുത്തു.
അരുവിക്കര ഉപതിരഞ്ഞെടുപ്പിന്റെ പശ്ചാത്തലത്തിലാണ് രഹസ്യ കൂടിക്കാഴ്ചയെന്ന ആരോപണം ഉയര്‍ന്നിട്ടുണ്ട്. ആറ്റിങ്ങലില്‍ ഞായറാഴ്ച പാസ്റ്റര്‍മാര്‍ക്കുനേരെ ഉണ്ടായ അക്രമം സംബന്ധിച്ച ചര്‍ച്ചയാണ് നടത്തിയതെന്ന് ആഭ്യന്തരമന്ത്രി രമേശ് ചെന്നിത്തല മാധ്യമങ്ങളോട് പറഞ്ഞു.
