ന്യൂഡല്‍ഹി: ക്രിസ്മസ് ദിനത്തില്‍ സ്‌കൂളുകള്‍ തുറന്ന് പ്രവര്‍ത്തിക്കണമെന്നും ഉപന്യാസമത്സരം നടത്തണമെന്നും ആവശ്യപ്പെട്ട് സ്‌കൂളുകള്‍ക്ക് സര്‍ക്കുലര്‍ നല്‍കിയതായി ദേശീയ ദിനപത്രം റിപ്പോര്‍ട്ട് ചെയ്തു. നവോദയ സ്‌കൂളുകളില്‍ ഈ സര്‍ക്കുലര്‍ ലഭിച്ചതായി വ്യക്തമായിട്ടുണ്ട്. 24 നും 25 നും സിബിഎസ് ഇ ഉപന്യാസ മത്സരം സംഘടിപ്പിച്ചിട്ടുണ്ടെന്നും മത്സരത്തിന്റെ വിഷയം എന്തെന്ന് 23ന് അറിയിക്കുമെന്നാണ് നവോദയക്ക് ലഭിച്ച സര്‍ക്കുലറില്‍ ഉള്ളത്.
അതേസമയം ക്രിസ്തുമസ് ദിവസം സ്‌കൂളുകള്‍ തുറക്കുന്നതിനെ ചൊല്ലി രാജ്യ സഭയില്‍ പ്രതിപക്ഷ ബഹളം വെച്ചു. അതേസമയം ഉപന്യാസ രചനാ മത്സരത്തില്‍ പങ്കെടുക്കുന്നവര്‍ മാത്രമേ അന്നേ ദിവസം സ്‌കൂളില്‍ എത്തേണ്ടതുള്ളു എന്ന് കേന്ദ്ര സര്‍ക്കാര്‍ പ്രതികരിച്ചു. പ്രതിപക്ഷ ബഹളത്തെ തുടര്‍ന്ന് രാജ്യസഭ 12 മണി വരെ നിര്‍ത്തിവച്ചു.
