പനജി: ഗോവയിലെ പനജി നിയോജക മണ്ഡലത്തില്‍ നടന്ന ഉപതെരഞ്ഞെടുപ്പില്‍ ബിജെപിക്ക് വിജയം. 5,368 വോട്ടുകള്‍ക്ക് ബിജെപിയിലെ സിദ്ധാര്‍ഥ് കുന്‍കോലിയേക്കറാണ് ഇവിടെ വിജയിച്ചത്. കേന്ദ്ര പ്രതിരോധ മന്ത്രി മനോഹര്‍ പരീഖര്‍ 1994 മുതല്‍ വിജയിക്കുന്ന മണ്ഡലമാണ് പനജി.
മനോഹര്‍ പരീക്കര്‍ രാജി വച്ച ഒഴിവിലാണ് ഇവിടെ ഉപതെരഞ്ഞെടുപ്പ് നടന്നത്. സിദ്ധാര്‍ഥ് 9,989 വോട്ടുകള്‍ നേടിയപ്പോള്‍ തൊട്ടടുത്ത എതിര്‍ സ്ഥാനാര്‍ഥി കോണ്‍ഗ്രസിലെ സുരേന്ദ്ര ഫര്‍ട്ടാഡോയ്ക്ക് 4,621 വോട്ടുകള്‍ ലഭിച്ചു.
