ഗൗതം മേനോന്റ പുതിയ ചിത്രത്തില്‍ വിക്രം നായകനാകുന്നു. അടുത്തിടെ ഗൗതം മേനോനും വിക്രമും തമ്മില്‍ ചിത്രത്തെപ്പറ്റി ചര്‍ച്ച ചെയ്തിരുന്നു. ചിത്രത്തിന്റെ തിരക്കഥ ഏറെ ഇഷ്ടമായെന്നും അതില്‍ അഭിനയിക്കാന്‍ തയ്യാറാണെന്നും വിക്രം പറഞ്ഞതായാണ് കോളിവുഡ് വാര്‍ത്തകള്‍. ചിത്രത്തിന്റെ മറ്റ് അഭിനേതാക്കളേയും അണിയറ പ്രവര്‍ത്തകരേയും ഇതു വരെ തീരുമാനിച്ചിട്ടില്ല.
ഗൗതം മേനോന്‍ ഏറ്റവും ഒടുവില്‍ സംവിധാനം ചെയ്ത യെന്നൈ അറിന്താന്‍ ഇപ്പോഴും തീയേറ്ററില്‍ മികച്ച പ്രതികരണത്തോടെ പ്രദര്‍ശനം തുടരുകയാണ്. അതേസമയം, ഐ എന്ന സൂപ്പര്‍ഹിറ്റ് ചിത്രത്തിന് ശേഷം ’10 എണ്‍റതുക്കുള്ളേ’ എന്ന ത്രില്ലര്‍ സിനിമയിലാണ് ഇപ്പോള്‍ വിക്രം അഭിനയിച്ചുകൊണ്ടിരിക്കുന്നത്. ഗൗതം മേനോന്‍ നേരത്തെ പാതിവഴിയില്‍ നിര്‍ത്തി ചിമ്പു ചിത്രം പൂര്‍ത്തിയാക്കാനുള്ള ശ്രമത്തിലുമാണ്.
