റായ്പൂര്‍: ഛത്തീസ്ഗഡിലെ ബസ്തറില്‍ നക്‌സല്‍ ആക്രമണത്തില്‍ എസ്ടിഎഫ് ഉദ്യോഗസ്ഥന്‍ കൊല്ലപ്പെട്ടു. ഒരു പോലീസുകാരന് പരിക്കേല്‍ക്കുകയും ചെയ്തു. എസ്ടിഎഫിലെ അസിസ്റ്റന്‍ഡ് കമാന്‍ഡര്‍ കൃഷ്ണ പാല്‍ സിംഗാണ് കൊല്ലപ്പെട്ടത്. ധര്‍ബാ മേഖലയിലെ ജഗദല്‍പൂര്‍-സുക്മ എന്‍എച്ച് 30 റോഡ് നക്‌സലുകള്‍ തടസപ്പെടുത്തിയെന്ന വിവരം അറിഞ്ഞെത്തിയ സുരക്ഷാ സേനയ്ക്കു നേരെയാണ് ആക്രമണം ഉണ്ടായത്.
സ്‌പെഷ്യല്‍ ടാസ്‌ക് ഫോഴ്‌സും (എസ്‌ഐടി) സംസ്ഥാന പോലീസും സംയുക്തമായാണ് നക്‌സലുകളെ നേരിടാനെത്തിയിരുന്നത്. രണ്ടു മണിക്കൂറോളം നക്‌സലുകളുമായി വെടിവയ്പ്പുണ്ടായതായി പോലീസ് പറഞ്ഞു.
