ജയസൂര്യ പ്രധാന വേഷത്തിലെത്തുന്ന അക്കു അക്ബര്‍ ചിത്രം മത്തായി കുഴപ്പക്കാരനല്ല ഉടന്‍ തിയേറ്ററുകളിലേക്ക്. ഹാസ്യത്തിന്റെ മേമ്പൊടിയില്‍ പറയുന്ന കുടുംബ ചിത്രമാണ് മത്തായി കുഴപ്പക്കാരനല്ല. ചിത്രത്തില്‍ മത്തായി എന്ന കഥാപാത്രത്തെയാണ് ജയസൂര്യ അവതരിപ്പിക്കുന്നത്. പുണ്യാളന്‍ അഗര്‍ബത്തീസിന് ശേഷം ജയസൂര്യ വീണ്ടും തൃശൂര്‍കാരന്റെ വേഷത്തിലെത്തുന്ന ചിത്രം കൂടിയാണ് മത്തായി കുഴപ്പക്കാരനല്ല.
ഭാമ, മുകേഷ്, ലക്ഷ്മി ഗോപാല സ്വാമി എന്നിവരും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. അക്കു അക്ബര്‍ തന്നെയാണ് ചിത്രത്തിന്റെ തിരക്കഥയൊരുക്കിയിരിക്കുന്നത്. ആന്റോ ജോസഫാണ് ചിത്രത്തിന്റെ നിര്‍മ്മാണം. സിപ്പി പള്ളിപ്പുറത്തിന്റെ വരികള്‍ക്ക് ആനന്ദ് സംഗീതം നല്‍കുന്നു.
