ജിയോണി എലൈഫ് ഇ8 സ്മാര്‍ട്ട് ഫോണ്‍ ഒക്ടോബര്‍ 8ന് ഇന്ത്യയിലെത്തും. ഓണ്‍ലൈന്‍ സ്‌റ്റോറിലാവും ജിയോണി എലൈഫ് ലഭ്യമാകുക.
ജിയോണി എലൈഫ് ഇ8 ന് ആറ് ഇഞ്ച് ഡബ്ലുക്യൂഎച്ച്ഡി സൂപ്പര്‍ എഎംഒഎല്‍ഇഡി ഡിസ്‌പ്ലേയാണ് ഉള്ളത്. പിക്ച്ചര്‍ റസല്യൂഷന്‍ 2560 X 1440 പിക്‌സലാണ്. സൂപ്പര്‍ എഎംഒഎല്‍ഇഡി പാനല്‍ നേരത്തെ സാംസംഗ് ഫ്‌ലാഗ്ഷിപ്പ് ഗ്യാലക്‌സി സ്മാര്‍ട്ട്‌ഫോണിുകളില്‍ ഉപയോഗിച്ച് വരുന്നതാണ്.
3ജിബി റാന്‍ഡം ആക്‌സസ് മെമ്മറിയോടൊപ്പം 64 ജിബി ഇന്റേണല്‍ സ്റ്റോറേജും ഫോണിനുണ്ട്. 128 ജിബി മൈക്രോ എസ്ഡി കാര്‍ഡും ഫോണില്‍ ഉപയോഗിക്കാം. 24മെഗാപിക്‌സല്‍ ക്യാമറയാണ് ജിയോണി എലൈഫ് ഇ8ന്റെ എടുത്തു പറയാവുന്ന മറ്റൊരു സവിശേഷത. മുന്നിലെ ക്യാമറ 8എംപിയാണ്. ഒക്ടോബര്‍ എട്ടിനാണ് ഫോണ്‍ ഇന്ത്യയില്‍ അവതരിപ്പിക്കുക.
