ന്യൂഡല്‍ഹി: ഡല്‍ഹി നിയമസഭാ തെരെഞ്ഞെടുപ്പില്‍ വോട്ടിംഗ് നില ഭേദപ്പെട്ട നിലയില്‍. ഒരു മണിവരെ 35 ശതമാനം
വോട്ടാണ് രേഖപ്പെടുത്തിയത്. പത്തു മണിവരെ 9.5 ശതമാനവും 11 മണിക്ക് 19 ശതമാനവുമായിരുന്നു വോട്ടിംഗ് നില. കഴിഞ്ഞ നിയമസഭാ തെരഞ്ഞെടുപ്പില്‍ 66 ശതാമാനം വോട്ടാണ് പോള്‍ ചെയ്തത്. കഴിഞ്ഞ തെരഞ്ഞടുപ്പിനെ അപേക്ഷിച്ച് വോട്ടര്‍മാരുടെ എണ്ണത്തില്‍ വര്‍ധനയുണ്ടായിട്ടുണ്ടെന്നും മികച്ച പോളിംഗ് ശതമാനമാണ് പ്രതീക്ഷിക്കുന്നതെന്നും തെരഞ്ഞെടുപ്പ് കമ്മിഷന്‍ അറിയിച്ചു. വൈകിട്ട് ആറു മണിവരെയാണ് വോട്ടെടുപ്പ്.
മുഖ്യമന്ത്രി സ്ഥാനാര്‍ഥികളായ അരവിന്ദ് കേജ്‌രിവാളും, കിരണ്‍ ബേദിയും അജയ് മാക്കനും രാവിലെ തന്നെ വോട്ട് രേഖപ്പെടുത്തി. 70 നിയമസഭാ മണ്ഡലങ്ങളിലായി 673 സ്ഥാനാര്‍ഥികളാണ് ഡല്‍ഹിയില്‍ ജനവിധി തേടുന്നത്.
