അമല്‍ നീരദ് സംവിധാനം ചെയ്യുന്ന പുതിയ ചിത്രത്തില്‍ ദുല്‍ഖര്‍ ഡാന്‍സറുടെ റോളില്‍ പ്രത്യക്ഷപ്പെടുന്നു. അഞ്ച്‌സുന്ദരികളില്‍ അമല്‍ സംവിധാനം ചെയ്ത കുള്ളന്റെ ഭാര്യയില്‍ ദുല്‍ഖര്‍ അഭിനയിച്ചിരുന്നു. മേയ് ആദ്യവാരം എറണാകുളത്ത് ചിത്രീകരണമാരംഭിക്കുന്ന മാര്‍ട്ടിന്‍ പ്രക്കാട്ട് ചിത്രത്തിന് ശേഷം ദുല്‍ഖര്‍ അമലിന്റെ ചിത്രത്തില്‍ ജോയിന്‍ ചെയ്യും.
എറണാകുളം, മൂന്നാര്‍, പോണ്ടിച്ചേരി എന്നിവിടങ്ങളിലായാണ് മാര്‍ട്ടിന്‍ പ്രക്കാട്ട് സംവിധാനം ചെയ്യുന്ന ദുല്‍ഖര്‍ ചിത്രം പൂര്‍ത്തിയാകുന്നത്. മെഗാഹിറ്റായ എ.ബി.സി.ഡിക്കുശേഷം ദുല്‍ഖറും മാര്‍ട്ടിനും ഒന്നിക്കുന്ന ഈ ചിത്രം നിര്‍മ്മിക്കുന്നത് നടന്‍ ജോജു ജോര്‍ജും കൂട്ടുകാരും ചേര്‍ന്നാണ്.
