സൂപ്പര്‍ഹിറ്റ് മലയാള ചിത്രം ദൃശ്യത്തിന്റെ ഹിന്ദി പതിപ്പിന്റെ ട്രെയിലര്‍ പുറത്തിറങ്ങി. അജയ് ദേവ്ഗണ്‍ നായകനായി എത്തുന്ന ചിത്രത്തില്‍ ശ്രിയ ശരണ്‍ ആണ് നായിക.
ദൃശ്യം എന്ന് തന്നെ പേരിട്ടിരിക്കുന്ന ചിത്രത്തില്‍ കേബിള്‍ ഓപ്പറേറ്റര്‍ തന്നെയായാണ് അജയ് ദേവ്ഗണും എത്തുന്നത്. ചിത്രം ഹിന്ദിയില്‍ സംവിധാനം ചെയ്യുന്നത് നിശികാന്ത് കാമത്ത് ആണ്. തബുവാണ് പൊലീസ് കമ്മീഷണറുടെ വേഷത്തില്‍ എത്തുന്നത്.
മോഹന്‍ലാല്‍- ജീത്തു ജോസഫ് കൂട്ടുകെട്ടില്‍ പുറത്തിറങ്ങിയ ദൃശ്യത്തിന്റെ തെലുങ്ക് , കന്നഡ റീമെയ്ക്കും വന്‍ വിജയമായിരുന്നു. കമല്‍ഹാസന്‍ നായകനായി ‘പാപനാശം’ എന്ന പേരില്‍ തമിഴിലും ദൃശ്യം റിലീസിന് ഒരുങ്ങിയിരിക്കുകയാണ്.
