തിരുവനന്തപുരം: ദേശീയ ഗെയിംസിന്റെ ട്രാക്ക് ഇന്നുണരും. ഗ്ലാമര്‍ പോരാട്ടങ്ങള്‍ യൂണിവേഴ്‌സിറ്റി സ്റ്റേഡിയത്തിലെ ട്രാക്കിലും ഫീല്‍ഡിലുമായി ഇനി അഞ്ചു നാള്‍. ഇന്നു രാവിലെ ഏഴിനു ഡെക്കാത്തലണ്‍ 100 മീറ്റര്‍ ഓട്ടത്തോടെ ദേശീയ ഗെയിംസിന്റെ 35-ാം എഡിഷന്റെ ട്രാക്കിലെയും ഫീല്‍ഡിലെയും പോരാട്ടങ്ങള്‍ക്കു തുടക്കമായി.
ജനുവരി 31 നു ആരംഭിച്ച ഗെയിംസ് എട്ടുദിനങ്ങള്‍ പൂര്‍ത്തിയായപ്പോള്‍ 42 സ്വര്‍ണവും 13 വെള്ളിയും 14 വെങ്കലവും ഉള്‍പ്പെടെ 69 മെഡലുമായി സര്‍വീസസാണു മെഡല്‍പട്ടികയില്‍ മുന്നില്‍. 16 സ്വര്‍ണവും 14 വെള്ളിയും 23 വെങ്കലവുമായി ആതിഥേയര്‍ നാലാം സ്ഥാനത്തുണ്ട്.
