വേലൈ ഇല്ല പട്ടത്താരി ടീം വീണ്ടും ഒന്നിക്കുന്ന ചിത്രത്തില്‍ ഇനി സാമന്തയും. നടന്‍ ധനുഷ് തന്നെയാണ് ഈ വിവരം ട്വിറ്ററിലൂടെ ആരാധകരെ അറിയിച്ചത്.ആമി ജാക്‌സണാണ്ചിത്രത്തില്‍ നായിക വേഷത്തില്‍ എത്തുക എന്നായിരുന്നു ഇതുവരെയുള്ള വാര്‍ത്തകള്‍. എന്നാല്‍ സാമന്തയും ചിത്രത്തിന്റെ ഭാഗമാകുന്നുവെന്ന് ധനുഷ് തന്നെയാണ് ട്വിറ്ററിലൂടെ വെളിപ്പെടുത്തിയത്.
ഫെബ്രുവരിയില്‍ സിനിമയുടെ ഷൂട്ടിംഗ് തുടങ്ങുമെന്നാണ് റിപ്പോര്‍ട്ടുകള്‍. വേല്‍രാജ് സംവിധാനം ചെയ്യുന്ന ചിത്രം നിര്‍മിക്കുന്നത് ധനുഷ് തന്നെയാണ്. അനിരുദ്ധാണ് ചിത്രത്തിന്റെ ഗാനങ്ങള്‍ ഒരുക്കുന്നത്. ഈ വര്‍ഷം ബോക്‌സോഫിസില്‍ ഏറ്റവുമധികം കളക്ഷന്‍ നേടിയ ചിത്രങ്ങളില്‍ ഒന്നാണ് വേലൈ ഇല്ല പട്ടത്താരി. ധനുഷ് നിര്‍മിച്ച ചിത്രത്തില്‍ അമല പോളായിരുന്നു നായിക. അനുരുദ്ധ് തന്നെയായിരുന്നു ഗാനങ്ങള്‍ ഒരുക്കിയത്. ജൂലൈയിലായിരുന്നു വേലൈ ഇല്ല പട്ടത്താരി റിലീസ് ചെയ്തത്.
ധനുഷ് സിനിമയില്‍ സാമന്തയും ആമി ജാക്‌സണും
