ചെന്നൈ: തമിഴ്‌നാട്ടിലെ താരസംഘടനയായ നടികര്‍ സംഘം തെരഞ്ഞെടുപ്പുമായി ബന്ധപ്പെട്ട് നടന്ന സംഘര്‍ഷത്തില്‍ നടന്‍ വിശാലിന് പരിക്കേറ്റു. ഇദ്ദേഹത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്.
പാണ്ഡവ അണി എന്ന പേരില്‍ തെരഞ്ഞെടുപ്പില്‍ മത്സരിക്കുന്ന മുന്നണിയുടെ സ്ഥാനാര്‍ത്ഥിയാണ് വിശാല്‍. നടികര്‍ സംഘം ജനറല്‍ സെക്രട്ടറി സ്ഥാനത്തേക്കാണ വിശാല്‍ മത്സരിക്കുന്നത്. നിലവില്‍ പ്രസിഡന്റ് ആയ ശരത്കുമാര്‍ നേതൃത്വം നല്‍കുന്നതാണ് എതിര്‍മുന്നണി.
നടികര്‍ സംഘം ഭരണ സമിതി പിടിച്ചെടുക്കാന്‍ വിശാലിന്റെ നേതൃത്വത്തിലുള്ള യുവതാരങ്ങളും നടന്‍ ശരത് കുമാറിന്റെ നേതൃത്വത്തിലുള്ള ഔദ്യോഗിക പക്ഷവും മാസങ്ങളായി കനത്ത പോരാട്ടത്തിലായിരുന്നു.
പൊതു തെരഞ്ഞെടുപ്പിനെ വെല്ലുന്ന രൂപത്തിലാണ് താരസംഘടനയുടെ ഭരണം പിടിക്കാന്‍ താരങ്ങള്‍ രംഗത്തിറങ്ങിയിരുന്നത്.
