പ്രണയത്തകര്‍ച്ചയിലൂടെ ചെറിയ ഇടവേളയിലായിരുന്നു തെന്നിന്ത്യന്‍ താരറാണി നയന്‍ താര. എന്നാല്‍ സിനിമയിലേക്കുള്ള തിരിച്ചു വരവ് വമ്പന്‍ ഹിറ്റാക്കാന്‍ നയന്‍സിന് സാധിച്ചു. കാര്‍ത്തിയും നയന്‍ താരയും ആദ്യമായി ഒന്നിക്കുന്ന സിനിമയുടെ തിരക്കിലാണിപ്പോള്‍ നയന്‍ താര. എന്നാല്‍ ചിത്രത്തില്‍ നയന്‍താരയ്ക്ക് വെല്ലുവിളിയായി ഒരു നടി കൂടി.
കശ്‌മോര എന്ന ചിത്രത്തിലൂടെയാണ് നയന്‍താരയും കാര്‍ത്തിയും ആദ്യമായി ഒന്നിക്കുന്നത്. ഈ ചിത്രത്തില്‍ നയന്‍താരയോട് മത്സരിച്ച് അഭിനയിക്കാന്‍ തമിഴ് യുവത്വത്തിന്റെ ഇപ്പോഴത്തെ ഹരമായ ശ്രീദിവ്യയും ഉണ്ടാകുമെന്ന് റിപ്പോര്‍ട്ടുകള്‍. ഇതര്‍ക്കുതാനെ ആസൈപ്പട്ടായ് ബാലകുമാരന്‍ എന്ന ചിത്രത്തിലൂടെ ശ്രദ്ധേയനായ ഗോകുല്‍ സംവിധാനം ചെയ്യുന്ന ചിത്രത്തില്‍ ഇരട്ട വേഷത്തിലാണത്രെ കാര്‍ത്തി എത്തുന്നത്. ഇതിലൊരു കഥാപാത്രത്തിന്റെ കാമുകിയാണ് ശ്രീദിവ്യ.
വരുത്തപ്പടാത്ത വാലിഭര്‍ സംഘം എന്ന ചിത്രത്തിലൂടെ തമിഴകത്തിന്റെ പ്രിയപ്പെട്ടവളായി മാറിയ ശ്രീദിവ്യയിപ്പോള്‍ തമിഴ് സിനിമാലോകത്തില്‍ ശ്രദ്ധേയയായിക്കൊണ്ടിരിക്കുകയാണ്. അതേ സമയം ചിത്രത്തിലെ ശ്രീദിവ്യയുടെ കഥാപാത്രത്തെക്കുറിച്ച് അധികമൊന്നും പറയാന്‍ സംവിധായകന്‍ ഗോകുല്‍ തയാറായില്ല. ഒരു പ്രധാനമായ വേഷമാണ്. തമിഴ് നടിമാര്‍ക്കൊപ്പം മത്സരിച്ചാണ് നയന്‍താര അവിടം കീഴടക്കിയത്. ശ്രീദിവ്യയുടെ വേഷത്തിനും അത്രതന്നെ പ്രധാന്യമുണ്ടായിരിക്കുമ്പോള്‍ ഒരു മത്സാരാഭിനയം ചിത്രത്തില്‍ കാണാം. ഫെബ്രുവരിയില്‍ ചിത്രത്തിന്റെ ഷൂട്ടിങ് ആരംഭിയ്ക്കും. സന്തോഷ് നാരായണാനാണ് ചിത്രത്തിന് സംഗീതമൊരുക്കുന്നത്. സംഗീത സംവിധായകന്‍ ഇതിനകം പാട്ട് കംപോസ് ചെയ്തു തുടങ്ങിയെന്നും സംവിധായകന്‍. സിദ്ധീഖ് സംവിധാനം ചെയ്യുന്ന ഭാസ്‌ക്കര്‍ ദി റാസ്‌ക്കലില്‍ മമ്മൂട്ടിയുടെ നായികാവേഷത്തില്‍ അഭിനയിച്ചു കൊണ്ടിരിക്കുകയാണിപ്പോള്‍ തെന്നിന്ത്യയുടെ പ്രിയ നയന്‍സ്.
നയന്‍താരയ്ക്ക് വെല്ലുവിളിയായി ശ്രീദിവ്യ
