ന്യൂഡല്‍ഹി: ലോകകപ്പ് ക്രിക്കറ്റ് തുടങ്ങുന്നതിന് മുമ്പ് പ്രധാനമന്ത്രി നരേന്ദ്രമോഡി പാക്കിസ്ഥാന്‍ പ്രധാനമന്ത്രി നവാസ് ഷരീഫിനെ വിളിച്ച് ആശംസയറിയിച്ചു. നവാസ് ഷരീഫുമായും സാര്‍ക്ക് രാജ്യങ്ങളുടെ തലവന്‍മാരുമായും സംസാരിച്ചതായി മോഡി തന്നെയാണ് ഇന്നു രാവിലെ ട്വീറ്റ് ചെയ്തത്.
ഇമ്രാന്‍ ഖാനിനൊപ്പം 1987 ലെ ലോകകപ്പില്‍ നവാസ് ഷരീഫ് വാം അപ്പ് മത്സരം കളിച്ചതായി മോഡി തമാശ പറഞ്ഞപ്പോള്‍, ആ ദിവസങ്ങള്‍ തിരിച്ചു വന്നിരുന്നെങ്കില്‍ എന്ന് നവാസ് ഷരീഫ് മറുപടി പറഞ്ഞു.
ലോകകപ്പില്‍ ഇതുവരെ പാക്കിസ്ഥാന്‍ ഇന്ത്യയെ പരാജയപ്പെടുത്തിയിട്ടില്ല. ഇത്തവണ ഇന്ത്യയുടെ ആദ്യമത്സരം പാക്കിസ്ഥാനെതിരെയാണ്. സുരക്ഷാ കാരണ്തതാല്‍ കുറച്ചുകാലമായി ഇരു രാജ്യങ്ങളും തമ്മിലുള്ള ക്രിക്കറ്റ് മത്സരങ്ങള്‍ വേണ്ടെന്ന് വച്ചിരിക്കുകയായിരുന്നു.
ക്രിക്കറ്റ് വിഷയത്തെ കൂടാതെ നയതന്ത്രകാര്യങ്ങളും ഇരുവരും ചര്‍ച്ച നടത്തി.
